• Lovely Joke

  • Ankhon ko intizar ka de ker hunar chala gaya


Ankhon ko intizar ka de ker hunar chala gaya

Ankhon ko intizar ka de ker hunar chala gaya
chaha tha aik shaks ko jane kidher chala gaya

din ki wo Mehflain gaye raaton ke rut-jage gaye
koi samait kar mere shaam-o-sahar chala gaya

jhonka hai aik bahar ka rung-e-khayal yaar bhi
her-soo bikher bikher gaye khushbo jidher chala gaya

is ke he dum se dil main aaj dhoop bhi chandni bhi hia
de ke wo apni yaad ke shams-o-qamar chala gaya

kocha ba kocha dar-badar kab se bhatuk raha hai dil
hum ko bhula ke rah wo apni dagar chala gaya

tags: , , , , , , , , ,

43 Things Tags:

posted in Uncategorized | 0 Comments

kya karoon ab koii bhi acha nahen lagta mujhe

kya karoon ab koii bhi acha nahen lagta mujhe
tu bhi pehle ki tarha apna nahen lagta mujhe
ab teri baten mere dil mein otarti hi nahen
tu wo hi hai par tera lehja nahen lagta mujhe
tu to ab adhe badan se sath chalta hai mere
tere shano pe tera chehra nahen lagta mujhe
tu kabhi taqseem karta tha hawaen charsoo
ab tere bhi paas ek jhonka nahen lagta mujhe
ab lifafe se teri khushbo nahen ati mujhe
khat bhi tere hath ka likha nahen lagta mujhe

tags: , , , , , , , , ,

posted in Uncategorized | 0 Comments