Urdu SMS | Lovely Joke

Woh Apne Ishq Mein Kaisa Kamal Rakhta Hai , Ke BeRukhi Mein Bhi, Mera

Woh Apne Ishq Mein Kaisa Kamal Rakhta Hai ,
Ke BeRukhi Mein Bhi, Mera Khayal Rakhta Hai ..

Jo Aaj Mera Nahi Hai Woh Kal Mera Hoga ,
Kay Har Zamana Urooj-O-Zawal Rakhta Hai ..

Ajab Nahi Woh Jahan Bhar Ko Bewafa Samjhe ,
Nazar Mein Meri Wafa Ki Misaal Rakhta Hai ..

Kahan Talak Koi Dast-E-Karam Ko Zehmat De ,
Tamaam Sehar Hi Dast-E-Sawaal Rakhta Hai ..

Meri Uraan K Aagay Hai Kis Qadar Be-Bas ,
Yeh Aasman, Jo Sitaron Ka Jaal Rakhta Hai ..

Tera Khayal Hi Kuch Meherban Hai Verna ,
Jahaan Mein Kaun Kisi Ka Khayal Rakhta Hai

Apni Merzi Say Juda Tu Bhi Nahi Main Bhi Nahi
Shayad Ab K Bewafa Tu Bhi Nahi Main Bhi Nahi

Dekhna Hum Ek Din Gard-e-Safar Hojayein Gay
Rastoun Say Ashana Tu Bhi Nahi Main Bhi Nahi

Gardish-e-Halaat Se Bas Kat Gaye Hain Rastay
Qabil-e-Qaid-o-Saza Tu Bhi Nahi Main Bhi Nahi

Kia Khaber Thi Is Qadar Na’ashana Ho Jayein Gay
Ajj Kal Pechanta Tu Bhi Nahi Main Bhi Nahi

Fasaloun Say Bhi Guzarna Phir Zara Sa Dekhna
Aisa Lagta Hai Khafa Tu Bhi Nahi Main Bhi Nahi

Ek Dojay Ki Buhat Tareef Kerna Jabaja
Maan Lay Dil Ka Bura Tu Bhi Nahi Main Bhi Nahi

Chahay jitna bulaao ge wapas na aaon ga main
Aasmaan ki banhoon mein sama jaon ga main

Dekhna yunhi hanstay khailte yunhi muskuratay hoye
Kisi rauz chup chaap se chala jaon ga main

Shayad k ho jaye meray liye bhi koi aankh pur num
Shayad kisi ko ashkon ka tuhfa de jaon ga main

Bohat tarpa hoon main sab k kareeb reh reh ke
Ab durr ja ke sab ko tarpaon ga main……

Zara zara si baat pe ye rooth jaati hay mujh se
Dekhna kisi rauz zindagi se rooth jaon ga main..!